“Brayton”un baş məşqçisi Roberto De Dzerbi “Milan”a rəhbərlik edə bilər.
İdmanxeber.az-ın məlumatına görə, İtaliya klubu tezliklə hazırkı mütəxəssis Stefano Pioli ilə yollarını ayırmağı planlaşdırır. Ərəb klubları da adıçəkilən məşqçinin xidmətində maraqlıdır.
De Dzerbi 2022-ci ilin sentyabrında “Brayton”a rəhbərlik edib. Onunla birlikdə komanda 62 xalla altıncı yeri tutub və klub tarixində ilk dəfə avrokuboklara çıxıb.
“Milan” 33 xal toplayaraq A seriyasının turnir cədvəlində 3-cü yeri tutur.