“Qarabağ” Belçika 2-ci Liqasında çıxış edən “Kuye La Luvyer” klubunun hücumçusu Muhamed Belxeyri transfer etmək istəyir.
İdmanxeber.az-ın məlumatına görə, bu barədə italiyalı jurnalist Lorentso Lepore yazıb. İtaliyalı jurnalist iddia edir ki, “köhlən atlar” 25 yaşlı forvardı yaxından izləyir və bu transferdə maraqlıdı.
Xəbərdə qeyd olunub ki, əlcəzairli futbolçuyla “Sivasspor”, “Antalyaspor” və “Sent Trüden” də yaxından maraqlanır.
Qeyd edək ki, Belxeyr müqavilə ilə Niderlandın “Fortuna Sittard” klubuna məxsusdur. O, hazırkı klubunda icarə əsasında çıxış edir. Hücumçu 2016-2017-ci illərdə İtaliya “İnter”inin aşağı yaş qruplarından ibarət komandasında da forma geyinib.