“Yuventus”un və İtaliyanın müdafiəçisi Andrea Kambiaso karyerasını İngiltərədə davam etdirə bilər.
İdmanxeber.az-ın məlumatına görə, “Mançester Siti” 24 yaşlı futbolçu üçün Turin klubuna rəsmi təklif göndərməyə hazırlaşır. “Şəhərlilər” italyan üçün “Yuventus”a təxminən 65 milyon avro təklif edəcək.
Kambiaso Premyer Liqa klubunun qış transfer pəncərəsində dördüncü transferi ola bilər. Bu gün İngiltərə klubu “Ayntraxt”ın hücumçusu Ömər Marmuşun transferini elan edib.