“Qəbələ”də gərginlik getdikcə artır. Komandanın son turlardakı zəif çıxışı və ardıcıl uğursuz nəticələr azarkeşlərin səbr kasasını daşırıb.
Fanatlar sosial mediada və stadion tribunalarında baş məşqçinin istefasını tələb edirlər. Onların fikrincə, komanda artıq əvvəlki oyun ruhunu itirib və dəyişiklik vaxtıdır.
Bəzi azarkeşlər hesab edir ki, mövsüm hələ erkəndir və vəziyyəti düzəltmək mümkündür, lakin çoxları artıq rəhbərlikdən ciddi qərarlar gözləyir.
Qeyd edək ki, “Qəbələ” Premyer Liqada son matçlarda qələbə qazana bilməyib və turnir cədvəlində aşağı sıralarda qərarlaşıb.