Azərbaycan və Makedoniya milli komandaları arasında martın 27-də Türkiyənin Antalya şəhərində keçiriləcək yoldaşlıq oyununun vaxtı dəqiqləşib.
İdmanxeber.com-un AFFA-nın rəsmi saytına istinadən yaydığı xəbərə görə, “Mardan” stadionunda keçiriləcək qarşılaşma Bakı vaxtı ilə saat 21:00-da başlayacaq.
Qeyd edək ki, yığmamız Makedoniya ilə oyundan əlavə, martın 23-də Belarus, mayın 29-da Qırğızıstan, iyunun 9-da isə Latviya yığması ilə yoxlama görüşü keçirəcək. Belarus və Qırğızıstanla oyunlar Bakı Olimpiya Stadionunda, Latviya ilə qarşılaşma isə səfərdə olacaq.