İsveçrənin “Sürix” klubu növbəti mövsümə Miroslav Kloseni baş məşqçi təyin etməyi düşünür.
İdmanxeber.az-ın məlumatına görə, rəhbərlik hazırkı mütəxəssis Giorgio Kontinin işindən narazıdır. Bu səbəbdən də onunla yollar ayrıla bilər.
“Sürix”in artıq Klose ilə danışıqlara başladığı və tərəflər arasında müzakirələrin aparıldığı bildirilir.
Almaniyalı mütəxəssis cari mövsümə “Altax” klubunda başlasa da, mart ayından onunla yollar ayrılıb. Avstriya klubunda çalışmaq Klosenin baş məşqçi kimi ilk təcrübəsi idi.