Bu gün Türkiyə Super Liqasında 15-ci tura yekun vurulacaq.
İdmanxeber.com-un məlumatına görə, milli komandamızın hücumçusu Dəniz Yılmazın çıxış etdiyi “Bursaspor” bu gün doğma meydanda “Antalyaspor”la qarşılaşacaq.
Bakı vaxtı ilə saat 21:00-da start götürəcək oyunda millimizin üzvü start heyətdə meydana çıxacaq.
Qeyd edək ki, 14 turdan sonra aktivində 24 xalı olan”Bursaspor” klubu turnir cədvəlinin 6-cı pilləsində qərarlaşıb.