PSJ-nin hücumçusu Osman Dembele Milli Peşəkar Futbolçular İttifaqı (UNFP) tərəfindən Liqa 1-in 2024/25 mövsümünün ən yaxşı oyunçusu seçilib.
İdmanxeber.az-ın məlumatına görə, bu mövsüm 27 yaşlı fransız Fransa çempionatında 28 oyun keçirib, 21 qol vurub və 8 məhsuldar ötürmə edib.
UNFP digər kateqoriyalar üzrə də mükafatlar təqdim edib. İlin ən yaxşı baş məşqçisi Luis Enrike, ölkəxaricində çıxış edən ən yaxşı fransalı futbolçu isə Kilian Mbappe seçilib.