Zaqatalada təlim-məşq toplanışını davam etdirən “Sumqayıt” Futbol Klubunun əvəzediciləri yoxlama oyunu keçirmək üçün Gürcüstana yola düşüb.
İdmanxeber.com-un məlumatına görə, dünən qonşu ölkə təmsilçisi “Hereti Laqodexi” klubunu 6:0 hesabı ilə üstələyən Rövşən Babayevin komandası bir gün sonra adıçəkilən klubla daha bir yoxlama oyunu keçirib.
“Sumqayıt” bu dəfə də rəqibindən üstün olub 4:0. Bu qarşılaşmada komandamızdan qolları Emil Həsənzadə (2), Xanlar Teymurov və Sahib Cümşüdov vurub.
Bu qarşılaşmadan sonra əvəzedicilər Gürcüstandan ayrılaraq təlim-məşq toplanışını davam etdirmək üçün Zaqatalaya yola düşüb.