Stend atıcımız Emin Cəfərov Tokio-2020 Yay Olimpiya Oyunlarında ilk çıxışını yekunlaşdırıb.
O, 3 raundun nəticəsinə əsasən 71 xalla 24-cü pillədə qərarlaşıb. Cəfərov üçüncü raundda aktivinə daha 23 xal yazdırıb.
Onunla birlikdə daha 5 idmançı eyni xalı toplayıb. Mübarizəni davam etdirmək üçün atıcımız növbəti 50 atəşdən sonra ilk 6-lığa düşməlidir. Təsnifat mərhələsindən sonra yalnız ilk 6 yerin sahibi mükafatlar uğrunda yarışacaq.
Təsnifat mərhələsinin davamı və həlledici raundlar sabah keçiriləcək.