Ötən mövsümün sonunda gözlənilməz şəkildə “Real”dan ayrılan Zinəddin Zidan yaxın vaxtlarda yenidən işə başlayacaq.
İdmanxeber.az-ın məlumatına görə, fransalı mütəxəssis gələcək karyerası barədə məlumat verib. Ancaq o, hansı klubu çalışdıracağını açıqlamayıb:
“Əlbəttə, tezliklə yenidən məşqçiliyə başlayacağam. Bu, mənim sevdiyim işdir. Futbol mənim həyatımdır”.
Qeyd edək ki, bir müddətdir Zidanın “Mançester Yunayted”də Joze Mourinyonu əvəzləyəcəyi ilə bağlı xəbərlər dolaşır.