Daliç yanlış anlaşıldığını qeyd edib.
İdmanxeber.az-ın məlumatına görə, Bu gün keçiriləcək yoxlama oyununda Portuqaliya millisi Xorvatiya ilə qarşılaşacaq. Oyundan öncə keçirilən mətbuat konfrasında Xorvatiyanın baş məşqçisi Zlatko Daliç ötən günlərdə Ronaldoyla bağlı fikirləri üçün üzr istəyib.
“İşlətdiyim ifadəyə görə üzr istəyirəm. Modriç qalib olduğu üçün Ronaldonun mükafatlandırma mərasiminə qatılmamasını eqoistcəsinə olduğunu bildirmişdim. Ancaq mənim fikrim yanlış anlaşılıb. Dediklərimə görə üzr istəyirəm”.
Qeyd edək ki, Portuqaliya – Xorvatiya yoxlama görüşü bu gün Bakı vaxtı ilə saat 22:45-də başlayacaq.