“Biz haqqımızı sona kimi tələb edəcəyik. Sona kimi mübarizə aparacağıq”.
Bu sözləri İdmanxeber.com-a açıqlamasında Birinci divizionda çempion olan “Neftçala”nın baş məşqçisi Kamal Quliyev deyib.
AFFA-nın lisenziya ilə bağlı verdiyi qərara əsasən Premyer Liqaya yüksəlməyəcək “Neftçala” qurumun bu qərarındna çaş-baş qalıb.
Quliyev qarşıdakı günlərdə bu qərarı klub rəhbərliyi ilə müzakirə edəcəklərini bildirib:
“Hələ ki, on gün vaxtımız var. Mən buna və bununla yanaşı öz rəhbərliyimizə inanıram. İnanıram ki, hər şey biz istəyən kimi olacaq. Hazırda başqa yerdəyəm. Qayıdan kimi klub rəsmiləri ilə görüşümüz olacaq”.