Premyer Liqanın 35-ci turu çərçivəsində “İnter”lə qarşılaşacaq “Neftçi” bu oyuna ciddi itki ilə çıxacaq.
İdmanxeber.com-un məlumatına görə, “ağ-qaralar”ın heyətində Jairo Rodriqes “bankirlər”lə oyunu buraxmaq məcburiyyətində qalacaq. Braziliyalı müdafiəçi Gəncədə “Kəpəz”lə matçda sarı vərəqə alaraq cəzalı duruma düşüb.
Qeyd edək ki, “Neftçi” – “İnter” matçı mayın 15-də baş tutacaq.