“Hər iki komanda yaxşı oynadı. Öz komandama görə təəssüf edirəm.Çünki onlar qəhraman kimi döyüşdülər. Rəqibi qələbə münasibəti ilə təbrik edirəm. Təşkilatçılığa gəlincə, hər şey yaxşı idi”.
Bu sözləri İdmanxeber.com-a açıqlamasında İtaliya millisinin 17 yaşılardan ibarət komandasının baş məşqçisi Aleksandro Dal Kanto deyib.
Çalışdırıcı İspaniyaya məğlubiyyəti şərh edərkən müdafiədə buraxdıqları kobud səhvləri qabardıb:
“Heyətdəki itkiləri bəhanə gətirmək istəmirəm. Komandam yaxşı çıxış etdi. Müdafiədə çox kobud səhvlərimiz oldu. Futbolda belə hallar tez-tez olur”.