Topaz Premyer Liqasının V turunda “Xəzər Lənkəran” İsmət Qayıbov adına Bakıxanov qəsəbə stadionunda “Neftçi”yə 0:1 hesabı ilə uduzdu.
İdmanxeber.com-un məlumatına görə, “Xəzər Lənkəran”ın baş məşqçisi Oğuz Çetin oyundan sonra keçirilən mətbuat konfransında bu fikirləri səsləndirib:
“Çempionata pis başladıq, pis də davam edir. Bu günkü oyunun nəticəsi belə olmamalı idi. 3 xal itirmək çox pisdir. Qırmızı vərəqə və penaltidən sonra komandamız qol vurmalı idi. Futbolda nə qədər çalışsan belə, əsas iş qol vurmaqdır. Bizim hazırda ən böyük problemimiz qol vura bilməməkdir. Oyunda “Neftçi” 10 adamla müdafiə olundu, biz qol vurmağa çalışdıq. İstənilən halda, məğlub olduq. Artıq bu oyun başa çatdı. Qarşıdakı oyunlara baxmalıyıq. Bizim məqsədimiz yaxşı oynamaq, qələbə qazanmaqdır”.