Joze Mourinyo karyerasını Səudiyyə Ərəbistanında davam etdirə bilər.
İdmanxeber.az “Corriere dello Sport” nəşrinə istinadən xəbər verir ki, birbaşa ölkə rəhbərliyi səviyyəsində portuqaliyalı mütəxəssislə əlaqə saxlanılıb.
Ona illik 60 milyon avrodan iki illik müqavilə təklif edilir. 60 yaşlı mütəxəssisə çalışması üçün üç komanda önərilib: Səudiyyə Ərəbistanı millisi, Kristiano Ronaldonun çıxış etdiyi “Əl-Nəsr” və ya ölkənin ikinci divizionunda çıxış edən “Əl-Əhli”.
Mourinyonun bu təkliflə razılaşacağı təqdirdə, dünyanın ən çox maaş alan baş məşqçisi olacağı bildirilir.