“Sabah”ın UEFA Çempionlar Liqası I təsnifat mərhələsi çərçivəsində TNS-lə keçirəcəyi cavab oyunu canlı yayımlanacaq.
Matçın yayımlı ilə bağlı problemin olduğunu xəbər vermişdik. Tərəflər maliyyə məsələsində razılığa gələ bilmirdi. Artıq problem həll olub.
İdmanxeber.az-a verilən məlumata görə, “Sabah” müəyyən bir məbləğ qarşılığında görüşün yayımını əldə edib. Qarşılaşma bu gün saat 21:30-dan etibarən “CBC Sport” telekanalından canlı yayımlanacaq.
Xatırladaq ki, “Sabah” ilk matçda TNS-i Bakıda 2:0 hesabı ilə məğlub etmişdi.