Bakı” ilə səfər oyununda “Xəzər Lənkəran”ın aparıcı futbolçularından olan Sadio Tounkara ağır zədələnib.
İdmanxeber.com-un məlumatına görə, əvvəlcə yüngül zədə aldığı güman edilən malili futbolçunun həkim müayinəsindən sonra zədəsinin ağır dərəcəli olduğu müəyyənləşib. İlkin müayinənin nəticəsinə görə afrikalı futbolçumuz 4-ay müddətində yaşıl meydanlardan uzaq qalmalı olacaq.
Xatırladaq ki, aprelin 27-də 23-yaşını qeyd edən Tounkara mayın 1-də ata olması ilə bağlı aldığı xəbəri ad gününə ən yaxşı hədiyyə hesab etdiyini dilə gətirib. Yeri gəlmişkən Sadio “Bakı”nın qapısına vurduğu qolu da yeni doğulan körpəsinə həsr edib. (12cioyuncu.info)