Bakının “İnter” klubu UEFA-nın növbəti üç avrokubok mövsümündən (2016/2017, 2017/2018, 2018/2019) ölkədaxili futbol mövsümünün yekun nəticələrinə görə avrokubok oyunlarına vəsiqə qazandığı birinci mövsümdə iştirak hüququndan məhrum edilməsi ilə bağlı qərarından CAS-a verdiyi şikayəti geri götürüb.
İdmanxeber.com-un xəbərinə görə, bu barədə məlumatı klubun rəsmi saytı yayıb.
Bildirilib ki, klub qərarın CAS tərəfindən ləğv edilməsi ehtimalının çox az olması qənaətinə gələrək və klubun maliyyə vəsaitinin qorunmasını təmin etmək məqsədi ilə şikayətini geri çağırmaq barədə qərar qəbul edib.
Həmçinin, “İnter”in cari mövsümdə Avropa Liqası zonasına düşməsi və UEFA-nın cəzasının bu il çəkilməsi CAS-a şikayətin geri götürülməsini şərtləndirən səbəblərdən biri olub.