PSJ-nin prezidenti Nasser Əl Xelafi idman direktoru Luis Kamposu qova bilər.
İdmanxeber.az-ın məlumatına görə, rəhbərlik Kilian Mbappenin klubla sözləşmə yeniləməyəcəyi təqdirdə Kamposla yollarını ayıracaq. Klub prezidenti fransalı hücumçunun ayrılmasının qəti əleyhinədir.
İyunun 12-də futbolçu müqavilənin 2025-ci ilə qədər uzadılması variantını aktivləşdirməyəcəyini bildirilib
Mbappe bu mövsüm PSJ-nin heyətində bütün turnirlərdə 43 oyuna çıxıb, 41 qol vurub, 10 məhsuldar ötürmə edib.
“Transfermarkt” portalının məlumatına görə, futbolçunun qiyməti 180 milyon avrodur. Müqavilə 2024-cü ilə qədərdir və daha bir mövsüm uzadıla bilər.