“Bizim üçün uğursuz matç alındı. Bir epizod buraxdıq, o da qola səbəb oldu. Nəticə də, belə alındı. Halbuki, oyunda diqtə edən tərəf biz idik. Hər iki yarıda qol şanslarımız yarandı. Düzgün dəyərləndirə bilmədik”.
İdmanxeber.az-ın məlumatına görə, bu sözləri “Neftçi”nin baş məşqçisi Adrian Mutu Premyer Liqanın 6-cı turunun “Araz-Naxçıvan”la matçından sonra keçirilən mətbuat konfransında deyib. O, daha sonra belə davam edib:
“Penaltini çıxmaq şərtilə, müdafiə xətti yaxşı oynadı. Rəqibin heç bir şansı olmadı. Dəyişikliklər olur. Amma sırf bu gün keçirilən “Araz-Naxçıvan”la görüşdə, rəqibə təhlükəli epizod vermədik. Sadəcə penalti oldu.
Qara Qarayevi məcburiyyətdən dəyişdik. Başqa bir şey yoxdur. Ümumiyyətlə, oyun baxımından kifayət qədər normal idik. Penalti epizodu bizim üçün ağır nəticələndi. Ona görə də, daha diqqətli olmalıyıq. Xüsusən də, əks-hücumlarda. Rəqib 10 nəfərlə müdafiə olunurdu. Hər iki epizodda şans yaratdıq. Sadəcə rəqib bütünlüklə müdafiə olunurdu. Biz nə qədər qol epizodu yarada bilərdik?”.