Uruqvaylı hücumçusu Luis Suares Endriki yüksələn ulduz hesab edir.
İdmanxeber.az-ın məlumatına görə, “Palmeyras”ın və Braziliya millisinin 17 yaşlı oyunçusu artıq “Real”ın futbolçusudur. O, 2024-cü ilin yayında Madridə keçəcək. Suares bu transferi belə şərh edib:
“Əlbəttə, mən Endrikin “Barselona”ya getməsini istəyirdim. Amma futbolçu seçimini belə etdi. O, ulduzdur və hələ çox gəncdir, ilk addımlarını atır. Düşünürəm ki, onun bu il əldə etdiyi nailiyyətlər inanılmazdır”.