Uruqvaylı futbolçu Luis Suares Neymarla bağlı danışıb.
İdmanxeber.az-ın məlumatına görə, sabiq “Barselona”lı braziliyalı futbolçunun PSJ-yə transferi ilə bağlı xatirələrini bölüşüb.
“Mən, Messi və Neymar çox yaxşı dost idik. Bilirdik ki, meydanda öz rollarımızı oynasaq, “Barselona”nı möhtəşəm edəcəyik. Birimiz zəif oynasaydıq, digər ikimiz fərq edərdi. Bu, heyrətamiz bir əlaqə idi. Neymara dedik ki, PSJ-yə getməyin səhvdir”
O qeyd edib ki, Neymar ən yaxşı olmaq istəyirsə, Messinin yanında qalmalıdır. Onun sözlərinə görə, bu qərarla braziliyalı komandada boşluq buraxdı.
Neymar 2013-2017-ci illərdə “Barselona”da çıxış edib. Hücumçu 222 milyon avroya PSJ-yə keçib və Fransa klubunda 173 oyun keçirib, 118 qol vurub və 77 məhsuldar ötürmə verib.
2023-cü ilin avqust ayından braziliyalı “Əl-Hilal”ın heyətində 5 oyun keçirib, bir qol vurub və üç məhsuldar ötürmə edib.