İsveçrənin SGS şirkəti 2023-cü ildə AFFA-nın Klubların Lisenziyalaşdırılması Departamentinin fəaliyyəti ilə bağlı apardığı yoxlamanın nəticələrini açıqlayıb.
İdmanxeber.az AFFA-nın rəsmi saytına istinadən xəbər verir ki, şirkət tərəfindən milli assosiasiyaya ünvanlanmış məktubda departamentin fəaliyyətinin UEFA-nın Klubların Lisenziyalaşdırma üzrə keyfiyyət standartlarına uyğun olduğu bildirilib.
Həmçinin qeyd olunub ki, qurum 2024/2025-ci illər Azərbaycan təmsilçilərinin UEFA yarışlarında iştirakı ilə bağlı lisenziyalaşdırma prosesini həyata keçirmək hüququna malikdir.
SGS şirkəti müvafiq yoxlamaları UEFA-nın sifarişi əsasında həyata keçirir.