Konfrans Liqasında mübarizəni elə ilk mərhələdəcə dayandıran “Sumqayıt”a təpkilər davam edir.
İdmanxeber.az-ın məlumatına görə, komandanın azarkeşləri sosial şəbəkələrdə klubu tənqid atəşinə tutublar.
Onlar “Sumqayıt”ın aşağı səviyyəli oyununu və heyəti gücləndirməyən rəhbərliyə sərt təpki göstərirlər. Avrokubok oyunları üçün lazımi transferlər etməyən klub rəhbəri Riad Rəfiyevə qarşı fikirlər heç də xoş deyil.
Fanatların əksəriyyəti bu uğursuz nəticəni klub rəhbərinin bacarıqsızlığına bağlayıb.
