Növbəti mövsümü Azərbaycan I Liqasında keçirəcək “Səbail” transfer çalışmalarını davam etdirir.
İdmanxeber.az-a verilən məlumata görə, paytaxt təmsilçisi “Şamaxı”nın futbolçusu ilə güclənir. Bölgə klubunun müdafiəçisi Səbayıl Bağırov yeni mövsümdən “dənizçilər”də çıxış edəcək.
Artıq tərəflərin razılığa gəldiyi bildirilir. Səbayıl yaxın günlərdə yeni klubu ilə müqavilə imzalayacaq.
30 yaşlı futbolçu ötən mövsüm “Şamaxı”nın heyətində 21 oyun keçirib.