“Sabah”ın sabiq baş məşqçisi Murad Musayev Azərbaycanda işlədiyi dövrdən danışıb.
İdmanxeber.az-ın məlumatına görə, hazırda “Krasnodar” klubunun baş məşqçiliyini edən mütəxəssis buradakı işindən qürur duyduğunu bildirib:
“Sabah” indi ölkədə böyük klub sayılır və artıq Vasili Beresutski ilə kuboku qazandıqdan sonra üçüncü dəfə avrokuboklarda oynayacaq. Mən o vaxtı komandaya gedəndə “Sabah” sonuncu yerdə idi. Mövsümün sonunda isə beşinci yeri tutduq. Daha sonra gümüş medal qazandıq. Bunların hamısından keçmək lazım idi – çətinliklər, şübhələr. “Krasnodar”a qayıtmaq çox çətin oldu. Bunlardan hamısından keçməli idik ki, uğura çata bilək”.
Murad Musayev 2021-2024-cü illərdə “Sabah”ı çalışdırıb. “Krasnodar” ötən mövsüm Musayevin rəhbərliyi altında tarixində ilk dəfə Rusiya çempionu olub.