“Qarabağ”ın “Ferentsvaroş”un cinah oyunçusu Cəbrail Makretskis ilə maraqlandığını xəbər vermişdik.
İdmanxeber.az-ın məlumatına görə, Türkiyə mətbuatında oyunçu ilə bağlı yeni xəbərlər dərc edilib. 26 yaşlı futbolçunun Türkiyənin “Samsunspor” klubuna keçməyə yaxın olduğunu bildirilib.
Macarıstan mətbuatı isə latviyalı futbolçunun daha öncə Ağdam təmsilçisinə transfer olunacağını yazmışdı. Ancaq türkiyəki idman yazarı Levent Ümit Erol Cəbrailin Samsun klubunda forma geyinəcəyini iddia edib.
Futbolçu dünən sosial şəbəkə hesabından İstanbul havalimanının fotosunu paylaşıb. Onun Türkiyəyə “Samsunspor” üçün yollandığı bildirilir.
Sağ cinah müdafiəçisi ötən mövsüm Macarıstan klubunun heyətində bütün turnirlərdə 38 oyun keçirib. O, bu matçlarda 2 qol vurub, 6 məhsuldar ötürmə edib.
Makretskis Latviya U-19 millisində 7 oyun keçirib. Onun “Ferentsvaroş”la müqaviləsi bu yay başa çatıb.