“Milan”ın baş məşqçisi Massimiliano Alleqri klubla 100-cü qələbəsini əldə edib.
İdmanxeber.az xəbər verir ki, bu göstərici A Seriyasının XII turunda “İnter” üzərində qazanılan 1:0 hesablı qələbə ilə rəsmiləşib. Alleqri bununla “Milan”ın tarixində bütün turnirlərdə 100 qələbəyə çatan 7-ci məşqçi olub.
Ondan əvvəl bu hədəfə Ançelotti, Rokko, Kapello, Pioli, Liedholm və Sakki çatmışdı. Alleqri 2024-cü ilin mayından yenidən “Milan”ı çalışdırır.