Əvəzedicilər liqasının son turunda “Neftçi” ilə heç-heçə (2:2) edərək çempion olan “Sabah” ilk hissədə iki əvəzləməyə gedib.
İdmanxeber.az-ın əldə etdiyi məlumata görə, çempionluq matçının 33-cü dəqiqəsində əvəzlənənlərdən biri də əsas komandanın futbolçularından olan Abdulla Rzayev olub. O, “bayquşlar”ın baş məşqçisi Adino Mustedanagiçin bu qərarına kəskin etirazını bildirib.
Əldə etdiyimiz digər məlumata görə, bir çox klubun maraq dairəsində olan Rzayev yayda “Sabah”la başa çatacaq müqaviləsini yeniləməyəcək. O, daha çox oynamaq şansı qazanacağı komandaya getmək istəyir.