“Çox vacib qələbə qazandıq. Hesabda irəli olsaq da, rəqib sürəti artırırdı. Oyunçularım belə sıx qrafikdə buna dözdülər və kiçik uğur qazandılar”
İdmanxeber.az-ın məlumatına görə, bu sözləri “Qarabağ”ın baş məşqçisi Qurban Qurbanov “Zirə”yə qarşı qazanılan qələbənin (7:1) ardından keçirilən mətbuat konfransında deyib.
Təcrübəli mütəxəssis görüşdə poker edən Musa Qurbanlı barəsində də danışıb. O, gənc futbolçunun milliyə çağırılması üçün hazır olub-olmaması yönündəki suala belə cavab verib:
“Musa Qurbanlı ilk olaraq “Qarabağ”, daha sonra milli üçün hazır olmalıdır. Yığmanın öz idarə ediciləri var. Bu barədə fikir bildirə bilmərəm”.