27 Sentyabr 2022
Ölkə futbolu

Kamanan: “Kimin qol vurmasının elə də əhəmiyyəti yoxdur”

Azərbaycan Premyer Liqasının XV turu “Qəbələ”nin hücumçusu Yannik Kamanan üçün əlamətdar olub.

Klubun saytına istinadən verdiyimiz xəbərə görə, uzun müddətdir qol vura bilməyən legioner uğursuz seriyasını “Rəvan”la səfər matçında qırıb.

Komandasının 1:0 hesablı qələbəsini təmin edən Yannik 102 gündən sonra qol sevinci yaşayıb. Kamanan sonuncu dəfə III turun avqustun 19-da “Sumqayıt”la səfər görüşündə fərqlənmişdi. Matçdan sonra fikirlərini açıqlayan hücumçu komandanın qələbəsinin daha vacib olduğunu söyləyib:

“Qələbəyə görə sevincliyik. Çox vacib 3 xal qazandıq. Önəmli olan komandamın qələbə qazanması idi. Bunun öhdəsindən gəldik. Kimin qol vurmasının elə də əhəmiyyəti yoxdur”.

Ümumilikdə “Qəbələ”nin heyətində 17-ci qolunu vuran hücumçu klub tarixində ən çox topun müəllifi olan 4-cü futbolçudur: Rövşən Əhmədov – 20, Viktor Mendi – 18, Kənan Kərimov – 18, Yannik Kamanan – 17, Luis Hilario – 16. Qollarından 16-nı çempionat oyunlarında vuran Kamanan komandanın Premyer Liqadakı 2-ci bombardiridir. O yalnız Viktor Mendidən geri qalır: Viktor Mendi – 17, Yannik Kamanan – 16, Deon Barton – 15, Luis Hilario – 14.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Related posts

“Karvan”ın baş məşqçisi: “Ramin Musayevlə görüşmək istədim, dedilər avqustun 1-i işə çıxacaq”

admin

“AFFA rəhbərliyi istefa verməlidir” – Azarkeşlər ayağa qalxdı

admin

Azərbaycan kubokunun 1/16 final oyunlarının vaxtı müəyyənləşib

admin