Bu gün İsveçrənin Nyon şəhərində qadın futbol üzrə 2025-ci il Avropa çempionatının pley-off mərhələsinin püşkatma mərasimi keçiriləcək.
İdmanxeber.az xəbər verir ki, Azərbaycan millisi B liqasındadır.
Millinin rəqibləri Portuqaliya, Şotlandiya, Uels, Serbiya, Ukrayna və Şimali Makedoniya komandalarından biri olacaq.
Püşkatma saat 15:00-da başlayacaq. Bu mərhələnin oyunları oktyabrın 23-29-da baş tutacaq.
Xatırladaq ki, Azərbaycan yığması Macarıstan (1:1, 0:5), Türkiyə (0:1, 1:0) və İsveçrə (0:4, 0:3) komandaları ilə oynayaraq B1 qrupunda sonuncu yeri tutub.