Milli komandamızın dünya çempionatının seçmə mərhələsindəki oyunları ilə əlaqədar Azərbaycan Premyer Liqasında yaranmış fasilədən istifadə edən “Neftçi” heyətini gücləndirmək üçün addımlar atır.
İdmanxeber.com klub saytına istinadla xəbər verir ki, artıq 3 əcnəbi futbolçu paytaxt klubunun düşərgəsinə baxışa gəlib.
31 yaşlı serbiyalı qapıçı Boban Baykoviç “Srvena Zvezda”, “Yedinstvo”, “Radniçki”, “Rad”, “Smederevo”, “Srem Mitrovitsa” klublarının, eləcə də Çernoqoriya “Lovçen”inin və Belçika “Lyers”inin qapısını qoruyub.
Latviyalı yarımmüdafiəçi Aleksandrs Fertovs Latviyanın “Olimp” və “Skonto”, Ukraynanın “Sevastopol” və Polşanın “Korona” klublarında çıxış edib. 29 yaşlı futbolçu Latviya milli komandasının heyətində 35 oyunda meydana çıxıb.
Braziliyalı futbolçu Jonas Enrike Pessalli isə “Qremio”nun yetirməsidir. 26 yaşlı yarımmüdafiəçi Brazliyanın “Qremio Barueri”, Fransanın “Anje” və “Luson” klublarının da şərəfini qoruyub.