“Kəpəz”in baş məşqçisi Azər Bağırov Misli Premyer Liqasının 30-cu turunda “Araz-Naxçıvan”la 0:0 hesablı heç-heçə etdikləri oyunu şərh edib.
İdmanxeber.az xəbər verir ki, o, matçdan sonra keçirilən mətbuat konfransında deyib:
“Çempionatın liderlərindən olan rəqibə qarşı mənə elə gəlir ki, uşaqlar möhtəşəm oynadılar. Oyundan-oyuna daha məzmunlu çıxış edirik. Düzdü, epizodlarımız qolla nəticələnmədi. Amma mübarizəyə görə uşaqlara təşəkkür edirəm. Düşünürəm ki, biz iki xal itirdik. Azarkeşlərə də dəstəyə görə minnətdarıq”.