Kateqoriyasız

“Qəbələ”nin “Səbail” üstünlüyü

Milli komandaların matçları ilə əlaqədar Misli Premyer Liqasında yaranan fasilə bu həftə başa çatacaq.

İdmanxeber.az xəbər verir ki, VIII turun ilk oyun günündə bir qarşılaşma baş tutacaq. Günün yeganə oyununda “Qəbələ” “Səbail”lə üz-üzə gələcək.

Elmar Baxşıyevin baş məşqçisi olduğu komanda Bakı klubunun meydanında qüvvəsini sınayacaq. “ASCO Arena”dakı görüş rəqiblər arasında 22-ci matç olacaq. Əvvəlki 21 oyunda “Qəbələ” üstünlüyə malikdir. 11 qələbəsi olan “qırmızı-qaralar”5 görüşdən sülhlə ayrılıb və eyni sayda matçda uduzub. 38 qol vuran komandamız 21 top buraxıb. Baqali Dabo “Səbail”ə daha çox – 6 qol vurub.

“Qırmızı-qaralar” paytaxt təmsilçisi ilə 19 dəfə çempionat, 2 dəfə kubokda üz-üzə gəlib. Premyer Liqada 9 qələbə qazanan komandamız 5 dəfə bir xalla kifayətlənib. Digər 5 oyunda “Səbail” qalib gəlib. 33 qol vuran “Qəbələ” 19 top buraxıb.

Rəqib meydanında 12-ci dəfə “Səbail”lə qarşılaşacaq “qırmızı-qaralar” səfərdə 4 qələbə və 2 heç-heçəyə imza atıb. 5 görüşdə meydan sahibləri qalib gəlib. Bu matçlarda komandalar hərəyə 16 dəfə fərqlənib.

Sentyabrın 30-da “ASCO Arena”da keçiriləcək “Səbail” – “Qəbələ” matçı saat 19:00-da başlayacaq.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43