“Neftçi” erkən qol vurdu. Düzdür, sonradan azlıqda qaldılar. Bizim də fərqlənmək üçün xeyli şansımız oldu. Demirəm ki, biz mütləq qələbə qazanmalı idik. Məncə, qarşılaşmanın ədalətli nəticəsi heç-heçə idi”.
Bu sözləri idmanxeber.com-a açıqlamasında “Bakı”nın futbolçusu Ruben Qonzales “Neftçi” ilə matçdan sonra deyib.
O, daha sonra sözlərinə belə davam edib:
“Qapıçı heç vaxt səhv etmir, səhv edən komanda olur. Birinci qolu rəqib əks-hücum zamanı vurdu. Biz onları buraxmamalı idik. İkinci qolda isə ortada boşluq buraxdıq, topu itirdik, nəticədə onlar qol vurdular”.
Sonda Qonzales “Bakı”nın qeyri-stabil çıxışının səbəbini belə izah edib:
“Unutmayaq ki, bu gün “Neftçi”yə qarşı oynamışıq. Rəqibimiz güclü komandadır. Artıq bu matçı unutmalıyıq. Çünki qarşıda “Xəzər Lənkəran”la çətin görüşümüz var.