“Qarabağ”ın futbolçusu Dani Kintananın zədəsi ciddidi.
İdmanxeber.az-ın məlumatına görə, Ağdam klubunun ispaniyalı yarımmüdafiəçisi BATE ilə oyundan bir gün öncə məşqdə sıradan çıxmışdı. Tibbi müayinədən keçən futbolçunun dizindəki zədə təzələnib. Buna görə də, onun ilin sonuna kimi oynaya bilməyəcəyi dəqiqləşib.
Qeyd edək ki, Dani Kintana ötən il İspaniyada diz bağlarından əməliyyat olunub və 6 ay yaşıl meydanlardan kənarda qalıb.