Antalyada qış təlim-məşq toplanışını davam etdirən “Qarabağ”ın heyətinə yeni futbolçu qoşulub.
İdmanxeber.com-un məlumatına görə, Rusiyanın “Amkar” (Perm) klubunun yetirməsi olan Rinat Hüseynov baxışa dəvət edilib.
Yoxlama oyunlarında sınanıldıqdan sonra məşqçilər heyətinin rəyinə əsasən futbolçu haqda son qərar veriləcək. 20 yaşlı futbolçu mərkəz müdafiəçisidir. 189 sm boya malikdir. Hüseynov bu mövsüm “Amkar”ın gənclər komandasında 16 oyuna çıxıb və 2 qol vurub.