“Qarabağ”ın Çempionlar Liqasındakı rəqibi “Benfika” yeni transferini rəsmiləşdirib.
İdmanxeber.az-ın məlumatına görə, Portuqaliya klubu 18 yaşlı yarımmüdafiəçi Federiko Koletta ilə 2028-ci ilə qədər müqavilə imzalayıb. İtaliya U-19 millisinin üzvü “Roma”dan transfer olunub və “Benfika”nın B komandasında çıxış edəcək.
Koletta ötən mövsüm “Roma”nın U-20 komandasında 38 oyunda 14 qol vurub. O, həmçinin İtaliya ilə Avropa çempionu tituluna sahibdir.