“Rəqib necə gözləyirdiksə, elə də oynadı. Yaxşı qol imkanlarımız oldu”.
İdmanxeber.az-ın məlumatına görə, bunu “Qarabağ”ın baş məşqçisi Qurban Qurbanov Bakıda Çexiyanın “Viktoriya” (Plzen) komandası ilə qolsuz heç-heçə etdikləri UEFA Çempionlar Liqasının pley-off mərhələsinin ilk oyunundan sonra “CBC Sport”a açıqlamasında deyib. O, daha sonra belə davam edib:
“Bizdə də, rəqibdə də həyəcan hiss edilirdi. Futbolçular çox əziyyət çəkdilər. Səfərdə bundan da artıq güc itirməliyik. Şanslarımız bərabərdir. Böyük inamla səfərə gedəcəyik. Futbolçulara səbrli olmalarını tapşırmışam. Azarkeşlərimiz yenə möhtəşəm idilər. Hər birinə təşəkkür edirəm. Cavab görüşündə onları sevindirməyə çalışacağıq”.