“Qarabağ”ın vitse-prezidenti Tahir Gözəl növbəti dəfə komandanı ziyarət edib.
İdmanxeber.com-un klubun rəsmi saytına istinadən verdiyi məlumata görə, T.Gözəl bugünkü məşqdən öncə bazaya gedərək komandanın üzvləri ilə görüşüb.
Azərbaycan kubokunun finalına vəsiqə qazanmaları münasibətilə futbolçuları təbrik edən vitse-prezident Premyer Liqanın 31-ci turunda qarşılaşacaqları “Neftçi” ilə önəmli görüşdə də onlara uğurlar arzulayıb.
Qeyd edək ki, “Qarabağ” – “Neftçi” oyunu aprelin 25-də, saat 19:00-da başlayacaq.