"Bayıl Arena"da hal-hazırda davam edən "Rəvan" – "Xəzər Lənkəran" matçında ilk yarı sona yetdi. İdmanxeber.com-un məlumatına görə, maraqlıdır ki, matçın 20-ci dəqiqəsindən sonra əvəzlənmək üçün hazırlaşan və 4-cü hakimin qərarını gözləyən Dimitri Kruqlov bu istəyinə heç cür çata bilməyib. Belə ki, ilk yarının sonuna kimi estoniyalı futbolçu meydana çıxa bilməyib. Gah 4-cü hakimin hazır olmaması, gah da qoldan sonra baş məşqçi Güvənç Kurtarın qərarına görə o, heç cür yeni klubunda debüt edə bilmir. Futbolçunun ikinci yarıda meydana çıxması gözlənilir.