Bu həftə Topaz Premyer Liqasında II dövrəyə start veriləcək.
“Qəbələ” 8-ci turda “Neftçi” ilə qarşılaşacaq. Ev matçına çıxacaq “qırmızı-qaralar” 47-ci dəfə paytaxt təmsilçisi ilə görüşəcək. Əvvəlki 46 qarşılaşmada 16 qələbə qazanan “Qəbələ” 11 dəfə heç-heçə edib. Digər 19 görüşdə Bakı təmsilçisi qələbə qazanıb. Arxada qalan görüşlərdə rəqiblər eyni sayda – hərəyə 59 qol vurub.
“Qəbələ”nin öz meydanında keçirdiyi 22 görüşdə paytaxt təmsilçisi üstünlüyə malikdir. 7 qələbə və 5 heç-heçəsi olan əyalət təmsilçisi 10 dəfə məğlubiyyət alıb. Bu görüşlərdə “Qəbələ” futbolçuları 27 qol vurub, 30-nu buraxıb.
Komandalar arasındakı 46 görüşdən 41-i Premyer Liqa çərçivəsində baş tutub. Ölkə çempionatının 15 oyununda 3 xal qazanan “qırmızı-qaralar” 8 bərabərliklə kifayətlənib. 18 dəfə qalib gələn “Neftçi” top fərqində də öndədir – 53:52