“Belə hesabla qalib gələcəyimizi düşünmürdüm. Hesabdan razı qaldıq, xoş oldu”.
İdmanxeber.com-un məlumatına görə, bu sözləri “Qarabağ”ın icraçı direktoru Əmrah Çəlikəl söyləyib. "Qarabağ" Çempionlar Liqasının II təsnifat mərhələsinin ilk oyununda Gürcüstanın "Samtredia" klubunu 5:0 hesabı ilə məğlub edib. Oyundan sonra Ağdam klubunun rəsmisi Əmrah Çəlikəl jurnalistlərə açıqlama verib. O, yeni transferlərin oyunu haqda danışıb:
“Onların oyunundan razı qaldıq. Hamınız kimi biz də bəyəndik. Yaxşı oynadılar”.
Əmrah bəy cavab matçında formal baxmadıqlarını söyləyib: “Cavab matçına da ciddi yanaşacağıq. Rahat oynamalıyıq. Arxayınlaşmağı heç kimə məsləhət görmürəm. Bizi 90 dəqiqəlik mübarizə gözləyir”.
Klub rəsmisi Rəşad Sadıqovun zədəsi haqda bunları söyləyib: “Oyun yeni bitib və bu haqda məlumatımız yoxdu. Tezliklə son durumuna aydınlıq gələcək”.