Dünya çempionatının final mərhələsinə hazırlıq məqsədilə Bakıda təlim-məşq toplanışında olan futzal üzrə Azərbaycan milli komandası yoxlama oyunu keçirib.
İdmanxeber.com-un məlumatına görə, ölkə çempionatının yüksək liqasında çıxış edən klubların üzvlərindən
ibarət yığma komandayla qarşılaşan milli 8:1 hesabı ilə qələbə qazanıb. Tyaqo Teles Martins dubl edib,
Ramiz Çovdarov, Joze Poletto, Eduardo, İsa Atayev, Rizvan Fərzəliyev və Villiams hərəyə bir dəfə fərqlənib.
Bu komandalar arasında növbəti oyun sentyabrın 3-də, saat 21.00-da, ABU Arenada keçiriləcək.