Sənan Qurbanov “Qəbələ”də qalacaq
Son iki turda məğlub olan “Qəbələ” komandasının baş məşqçisi Sənan Qurbanovun komandadan yollanacağı barədə söz-söhbətlər var. Dünən “Qarabağ”la oyundan sonra keçirilən mətbuat konfransında S. Qurbanov çətin vaxtda qaçmayacağını bildirsə də, son sözün rəhbərlikdə olduğunu söylədi.
Məsələyə aydınlıq gətirmək üçün klubun mətbuat xidmətinin rəhbəri Anar Hacıyevlə əlaqə saxladıq. Klub rəsmisi Sənan Qurbanovun hazırda işinin başında olduğunu və gündəmlərində baş məşqçi dəyişikliyinin olmadığını qeyd etdi.