UEFA Avropa Liqasının qrup mərhələsində “Olimpiakos”la (Yunanıstan) qarşılaşacaq “Qarabağ”ın səfər proqramı müəyyənləşib.
Idmanxeber.az xəbər verir ki, “köhlən atlar” sabah Yunanıstana yollanacaq. Komandanı aparacaq təyyarə saat 10:30-da Heydər Əliyev Beynəlxalq Hava Limanından yola düşəcək.
Sabah saat 18:30-da komandanın baş məşqçisi Qurban Qurbanovun mətbuat konfransı keçiriləcək. Saat 23:00-da isə matçın keçiriləcəyi “Georgios Karaiskakis” stadionunda komandanın məşqi olacaq.
Oktyabrın 6-da keçiriləcək “Olimpiakos” – “Qarabağ” oyunu saat 23:00-da start götürəcək.