“Qarabağ” Çempionlar Liqasında III təsnifat mərhələsinə yüksələrək büdcəsini zənginləşdirib.
İdmanxeber.az-ın məlumatına görə, Ağdam təmsilçisi Cəbəllütariq komandası “Linkoln”u iki görüşdə də məğlub edərək (2:0,5:0), növbəti tura yüksəlib.
Bu nailiyyət “Qarabağ”a daha 500 min avro qazandırıb. Ağdam klubu bu mərhələdə iştirak etdiyinə görə, bu məbləği büdcəsinə qoyacaq.
Xatırladaq ki, təmsilçimiz II təsnifat mərhələsində işitirak etdiyi üçün də 400 min avro qazanmışdı.
Çempionlar Liqasının 3-cü təsnifat mərhələsində “Qarabağ”ın rəqibi “Ludoqorets” (Bolqarıstan) – “Dinamo” (Minsk, Belarus) cütünün qalibi olacaq. İlk oyun bolqarların 2-0 hesablı qələbəsi ilə başa çatıb.